KHUD SE PYAR

Dil ki dor bandhi sanso se

man mera gulzar hogaya

mujhko khud se pyar ho gaya.

rishtey naton ka ye bandhan

mujhko raas na aye

mera man ek banjara man

jahan chahe ram jaye,

mera apna dard-e-gum hi

swatah mera shringaar ho gaya,

mujhko khud se pyar ho gaya.

jaati na,mazahab mera koi

na hi koi thikana

pyar ki bhasha janu main bas

dur bahut hai jana.

jahan ruk jau main pal-do-pal

wahin mera sansar ho gaya

mujhko khud se pyar ho gaya.